0624_Joan Bateatzailea

Sal 138, 1-3. 13-14ab. 14c-15

R/. Gidatu ni, Jauna, betiko bidetik.

Jauna, Zuk aztertzen nozu eta ezagutzen:

badakizu noiz jesarten nazan eta noiz jagiten.

Urrundik sumatzen dozuz nire asmoak;

ohartzen zara noiz nabilen eta noiz natzan,

zehatz ezagutzen dozuz nire ibilbide guztiak. R/.

Zuk eratu deustazu barrua,

amaren sabelean eho nozu.

Eskerrak Zuri, harrigarriro egin nozulako,

miresgarriak dira zure egintzak! R/.

Barru-barruraino ezagutzen ninduzun,

nire hazur-maminak ez ziran Zuretzat ezkutu,

isilpean eratzen niharduala,

lurraren  barruan ehunduz nindoala. R/.

UZ10B

R/.           JAUNAGAN DAGO ERRUKIA

HARENGAN ASKATASUN UGARIA

 

Erantzun salmoa

Barru-barrutik zuri dagitsut oihu, Jauna,

entzun, Jauna, nire deadarra.

Begoz adi zure belarriak

nire oihu-eskarira.   R/.

Gure erruak gogoan badaukazuz, Jauna,

nor dagoke zutik, Jauna?

Baina parkamena zeugan daukazu,

   Israelen Jainko,

zu begirunez zerbidu zaiguzan.    R/.

Jaunagan itxaroten nago,

nire barrua haren hitzaren zain dago.

Gau-mutila goiz-argiaren zain dago:

nire gogoa Jaunaren zainago.   R/.

Gau-mutila goiz-argiaren zain dago:   †

Israel Jaunaren zain holan bego.

Jaunagan dago errukia,   †

harengan askatasun ugaria.

Berak utziko dau Israel askaturik,

egin ditun hoben guztietatik.   R/.