Familia Santua_C

Sal 127, 1-2. 3. 4-5

R/.    Dohatsu Jaunaren bildur dana, haren bideetan dabilena!

(edo)

R/.    Zorionekoa Jaunari begirunea deutsona.

Dohatsu Jaunaren bildur dana,

haren bideetan dabilena!

Zure eskuen lana dozu-eta jango,

zoriontsu izango zara eta ondo jatzu joango. R/.

Zure emaztea, mahasti emonkorraren antzean,

zure etxe barruan;

zure seme-alabek badirudie olibo-kimu,

zure mahai inguruan. R/.

Begira, holan izango da bedeinkatua gizakia,

Jaunari bildur deutsana.

Jaunak Siondik bedeinkatu zagizala,

Jerusalem dohatsu ikusiz beti bizi zaitezala. R/.

abn01a

Erantzun salmoa

Sal 122 [121], 1-2. (4-5. 6-7. ) 8-9 (R/. ik. 1b)

R/.   Goazen pozik Jaunaren etxera!

V/.   Ha poza nirea, esan eustenean:
        «Goazen Jaunaren etxera!»
        Hona orain nire oinak
        zure ateetan, Jerusalem. R/.

V/.   Hara igoten dabe leinuek, Jaunaren leinuek,
        Israelen lege danez, Jaunaren izena gorestera.
        Han dagoz ezarriak auzi-mahaiak,
        Daviden jauregiko mahaiak. R/.

V/.   Eskatu bakea Jerusalementzat,
        bizi beitez nasai maite zaituenak.
        Izan bedi bakea zure harresien barruan,
        nasaitasuna zure jauregietan. R/.

V/.   Neure senide eta lagunen izenean be,
        hau dinot: «Bakea zugaz!»
        Jaunaren, gure Jainkoaren, etxeagaitik,
        zoriona eskatzen dot zuretzat. R/.

 

Abendua02C

R/.     Handikiro jokatu dau Jaunak gure alde,

          eta pozarren gagoz!

Jaunak Sionen zoria aldatu ebanean,

amesetan lez gengozan.

Barrez bete jakun orduan ahoa,

poz-oihuz mihina.   R/.

Jentil-herrietan ere esan eben:

«Handikiro jokatu dau Jaunak hareen alde».

Handikiro jokatu dau Jaunak gure alde,

eta pozarren gagoz!   R/.

Aldatu, Jauna, gure zoria,

euri-jasek basamortua lez.

Malkoz erein ebenek

pozez dabe batzen.   R/.

Negarrez joan ziran,

hazi-zorroa eroanez;

poz-oihuka datoz,  

gari-balak ekarriz.   R/.

Abendua04C

R/.    Jainko, berbiztu gagizuz;

          salbau gaitezan, zeure begia leun agertu egizu.

Entzun, Israelen artzain,

Hegodun izakien arteko tronuan zagozan Hori,

Bizkortu zeure ahalmena

eta zatorkiguz salbatzera.   R/.

Jainko ahalguztiduna, bihurtu, arren,

begira zerutik, ikusi!

Hartu egizu zeure mahatsondoaren ardurea,

zaindu zeure eskuz landatu dozuna.

Moztu eta su emon deutsoe;

begiratu zorrotz eta galdu egizuz.    R/.

Emoiozu eskua zeure aukeratuari,

zeure indarrez jantzi dozun gizasemeari.

Ez gara Zugandik inoiz aldenduko;

Zuk bizia emongo deuskuzu

eta guk dei egingo deutsagu zure izenari.    R/.