UZ34B

Sal 92,1ab.1cd-2.5

R/.    Errege da Jauna, jantzi da handikiro.

 

Errege da Jauna, jantzi da handikiro;

jantzi da Jauna, indarra dau gerriko. R/.

Lurbira Berak jarri dau sendo,

eta ez da kolokatuko.

Sendo dago betidanik zure aurkia,

Zu betidanik zara. R/.

Zure autormenak oso sinesgarri dira:

zure etxeari santutasuna dagokio, Jauna,

gizaldien gizaldietan. R/.

UZ33B

Sal 15, 5 eta 8. 9-10. 11

R/.    Zaindu nagizu, Jauna, babes bila nator-eta Zugana.

 

Jauna da nire ondare eta edontzia;

Zuk dozu eskuetan nire zoria.

Begi aurrean ipinten dot beti Jauna;

eskuman dodala, ez naiteke dardara. R/.

Horregaitik, alai dot bihotza, pozik barrena,

haragi honek ere bakean dau atsedena.

Ez dozu-eta nire bizia Leizera jaurtiko,

ezta zure zintzoa ustelak hartzen itziko. R/.

Bizirako bidea erakutsiko deustazu:

alaitasun betea zeure aurrean,

betiko atseginak zeure eskuman. R/.

UZ32B

Sal 145,7.8-9a.9bc.10

R/.    Zorionekoak gogoz behartsu diranak,

          eurena dabe-eta zeruetako erreinua.

Leiala da betiren beti,

emoten deutse eskubidea zapalduei,

ogia gose diranei. R/.

Atxilotuak Jaunak askatzen ditu,

itsuen begiak Jaunak argitzen ditu.

Konkor dagozanak Jaunak ditu zutiazoten,

zintzoak Jaunak ditu maitatzen. R/.

Arrotzak Jaunak ditu zaintzen,

umezurtz eta alargunak laguntzen,

eta gaiztoen asmoak eragozten.

Errege izango da Jauna sekuletan,

zure Jainkoa, Sion, gizaldien gizaldietan. R/.