ABENDU-GABONAK_A







 ABENDUALDIAn
 GABONALDIAn
  01. Domekea
 02. Gabon osteko domekea: Familia santua
 03. Gabon osteko 2. domekea
 06. Jaunaren Bateoa (uz. 01. domekea)




ABENDUALDIKO LEHENENGO DOMEKEA  /A

 



R/. Bagoaz pozik Jaunaren etxera.

Ha poza nirea, esan eustenean:
«Bagoaz Jaunaren etxera».
Oraintxe gure oinak heldu dira,
Jerusalem, zure atarira. R/.

Leinuak, Jaunaren leinuak, hara igoten dira,
Israelen lege danez, Jaunaren izena ospatzera.
Han dago jarririk auzi-mahaia,
Davideneko mahaia. R/.

Eskatu egizuez Jerusalementzat bakerako diranak:
«Nasai bizi beitez zu maite zaituenak».
Izan bedi bakea zure harresietan,
nasaitasuna zure jauregietan. R/.


Nire anaia eta lagunakaitik,
hau dinot: «Bakea zugaz».
Jaunaren, gure Jaunaren, etxeagaitik,
ondasunak opa deutsudaz zuri. R/.





ABENDUALDIKO BIGARREN DOMEKEA  /A

 





R/. Zuzentasuna garatuko da haren egunetan,
    eta bakea ugari betierean.


Emoiozu, Jainko, zeure auzia erregeari,
zeure zuzentasuna errege-semeari.
Zaindu begi zure herria zuzentasunez,
eta zure gizajoak zuzenbidez. R/.

Zuzentasuna garatuko da haren egunetan,
bakea ugari iretargia amatau artean.
Nagusi izan bedi itsasotik itsasoraino,
Ibaitik lehor-mugaraino. R/.

Onik atarako dau-eta oihuka diharduan jente xehea
eta laguntzailerik ez dauan dohakabea.
Apalarentzat eta behartsuarentzat izango dau errukia,
salbatuko dau behartsuen bizia. R/.

Betiko izan bedi haren izena,
eguzki-argia adina haren izenaren iraupena.
Lurreko leinu guztiak
haregan izango dira bedeinkatuak,
herri guztiek dohatsu autortuko dabe ha. R/.



ABENDUALDIKO HIRUGARREN DOMEKEA  /A

 




R/. Zatoz, Jauna, eta salbatu gagizuz.


Leiala da betiren beti,
emoten deutse eskubidea zapalduei,
ogia gose diranei. R/.

Atxilotuak Jaunak askatzen ditu,
itsuen begiak Jaunak argitzen ditu.
Konkor dagozanak Jaunak ditu zutunduazoten,
zintzoak Jaunak ditu maitatzen. R/.

Arrotzak Jaunak ditu zaintzen,
umezurtz eta alargunak laguntzen,
gaiztoen asmoak eragozten.
Errege izango da Jauna sekuletan,
zure Jainkoa, Sion, gizaldien gizaldietan. R/.





ABENDUALDIKO LAUGARREN DOMEKEA  /A

  




R/. Badator Jauna: Bera da Errege ospetsua.



Jaunarena da lurra, eta lurra beteten dabenak,
lurbira eta bertan bizi diranak.
Harek emon deutsaz itsasoak oinarri,
eta ibaiak sendogarri. R/.

Jaunaren mendira nork igongo?
Haren toki santuan nor egongo?
Eskuak errubage eta bihotza garbi dituana,
huskerietara joten ez dauana. R/.

Holakoak hartuko dau bedeinkapena Jaunagandik,
zuzentasuna salbatzaile dauan Jainkoagandik.
Hau da Haren bila dabilzanen taldea,
Jakoben Jainkoaren bila dabilzanena. R/.


ANDRA MARI SORTZEZ GARBIA (12/08)





R/. Kanta Jaunari kantu barria
 
Kanta Jaunari kantu barria,
egintza harrigarriak egin ditu-eta:
garaipena emon deutso bere eskumeak,
bere beso santuak.   R/.

Bere garaipena ezagutuazo dau Jaunak,
bere salbamen-egintza agertu nazinoen aurrean.
Ez dau ahaztu bere maitasuna,
Israel herriari deutson leialtasuna.  R/.

Munduko bazter guztiek ikusi dabe
gure Jainkoaren garaipena.
Egin irrintzi Jaunari, lur osoa,
egin poz-oihu eta kantu, jo soinua.  R/.



GABON ALDIA


12/25_Jaunaren jaiotza


Erantzun salmoa: Sal 97, 1. 2_3ab. 3cd_4. 5_6





R/.     Ikusi dabe lur-muga danek
     gure Jainkoagandiko garaipena.

Kanta Jaunari kantu barri,
egin ditu-eta hainbat harrigarri.
Bere eskoiak emon deutso garaipena,
bere beso santuak. R/.

     Ezagutuazo dau Jaunak Beragandiko garaipena,
     agertu dau atzerrien aurrean bere zuzentasuna.
     Oroitu da bere maitasunaz,
     Israel etxeari deutson leialtasunaz. R/.

     Ikusi dabe lur-muga danek
     gure Jainkoagandiko garaipena.
     Lur osoa, egiozu txalo Jaunari,
     egin oihu eta irrintzi, egin eresi. R/.

     Eresi Jaunari kitararekin,
     kitara eta salterio ozenarekin;
     turuta eta adar hotsean,
     egin txalo errege dan Jaunaren aurrean. R/.




URTE BARRI: MARIA, JAUNGOIKOAREN AMA



R/.  ERRUKI BEKIGU JAINKOA, BEDEINKATU GAIZALA

Erruki bekigu Jainkoa, bedeinkatu gaizala,
agertu deigula aurpegi alaia;
ezagutu daien lurrean zure bidea,
herri guztietan zugandiko salbamena.    R./

Poztu beitez kantari atzerriak,
zuzenbidez daroazulako izadia;
zintzo dituzulako gidatzen herriak,
eta zaintzen lurrean atzerriak     R./

Ene Jainko, ospatu zaiezela herriek,
ospatu zaiezela herri guztiek.
Jainkoak bedeinkatu gaizala,
lur-bazter guztiek bildur izan deioela.    R./




APIFANIA: JAUNAREN AGERKUNDEA (Erregen)







R/.    Ahuspez gurtuko zaitue, Jauna, atzerri guztiek.

Emoiozu, Jainko, zure auzia erregeari,
zure zuzentasuna errege-semeari.
Zaindu begi zure herria zuzentasunez,
eta zure gizajoak zuzenbidez. R/.

Zuzentasuna garatuko da haren egunetan,
bakea ugari iretargia amatau artean.
Nagusi izan bedi itsasotik itsasoraino,
Ibaitik lehor-mugaraino. R/.

Tarsisko eta uharteetako erregeek
ekarriko deutsoez eskuerakutsiak,
Arabiako eta Sabako erregeek opariak.
Errege guztiek dabe ahuspez gurtuko,
atzerri guztiek zerbiduko. R/.

Onik atarako dau-eta oihuka diharduan jente apala,
eta laguntzailerik ez dauan zoritxarrekoa.
Apalarentzat eta behartsuarentzat izango dau errukia,
salbauko dau behartsuen bizia. R/.



JAUNAREN BATEOA: Uz 01 Domekea


Sal 28, 1_2. 3ac_4. 3b eta 9c_10




R/. Bere herria bedeinkatuko dau
bakea emonez Jaunak.

Emon, Jainko seme-alabok, Jaunari,
emon ospe eta indar Jaunari.
Emon ospe Jaunari bere izenaren ederrez,
gurtu Jauna apainduria deunez. R/.

Horra Jaunaren berbea ur gainean,
Jauna ur ugarien gainean.
Jaunaren berbea indartsu,
Jaunaren berbea ospetsu. R/.

Jainko itzalgarriaren abarrotsa durundan,
haren jauretxean danek dinoe: Gora!
Jesarri da Jauna uholde gainean,
Jauna errege jesarriko betierean. R/.

iruzkinik ez:

Argitaratu iruzkina

Agertu zure nortasuna "ezizenaz" edo "e-mailaz".