uz05c

R/.    Eresi egingo deutsut, Jauna,

    aingeruen aurrean.

Sal 137,1-2a.2bcd-3.4-5.7c-8

Jauna, bihotz-bihotzez deutsudaz eskerrak emongo,

nire berbak entzun dozuzalako.

Eresi egingo deutsut aingeruen aurrean,

ahuspeztuko naz zure jauretxe santuan. R/.

Eskerrak emongo deutsodaz zure izenari

ona eta leiala zaralako,

zure berbeak dau-eta zure izena egin handiago.

Deitu egin neutsunean, entzun ninduzun,

eta nire bihotzean kemena indartu dozu. R/.

Eskerrak emon deizuezala, Jauna, lurreko erregeek,

zure ahoko berbak entzutean.

Ospatu daiezala Jaunaren bideak:

«Handia da Jaunaren dirdaia benetan.» R/.

Zure eskumeak nau salbatzen,

amaitu dau Jaunak nire alde hasitakoa;

betiko dago, Jauna, zure maitasuna,

ez eskutik itzi zeure eskuz egin dozuna. R/.