garizumaldiko 01C

GARIZUMAKO I. DOMEKEA /C

Sal 90

R/. Neugaz egon zaitez, Jauna, larrialdian

(edo)

R/. Zagoz nirekin, Jauna, larrialdian

Goi-goikoaren aterpean bizi zaran horrek,

gaua Ahaltsuaren kerizpean emoten dozun horrek,

esaiozu Jaunari: «Zu nire babesleku eta gaztelu,

ene Jainko, Zugan dot konfiantzea».   R/.

Ez dozu zoritxarrik izango,

ez da zure txabolara izurririk hurreratuko,

bere aingeruei agindu deutse-eta,

zu bide guztietan zaintzeko.

Besoetan eroango zaitue,

harriekin estropezu egin ez dagizun.   R/.

Suge eta sugegorrien gainean ibiliko zara,

oinazpian hartuko dozuz lehoia eta herensugea.

«Onik atarako dot, niri lotuta dagoalako,

toki seguruan jarriko, nire izena autortzen daualako.   R/.

Dei egingo deust, eta Nik erantzungo;

beragaz izango nau larrialdian,

libratuko dot eta ospez jantziko.   R/.